Astanada belgili ǵalym A.Seıdimbek atyndaǵy murajaı ashyldy
ASTANA. Qyrkúıektiń 11-i. QazAqparat /Arman Asqarov/ - Búgin eloradadaǵy №54 mektep-lıtseıinde belgili ǵalym, etnograf-jazýshy Aqseleý Slanuly Seıdimbek atyndaǵy memorıaldyq murajaı ashyldy, dep habarlaıdy QazAqparat.
Munda ǵalymnyń jeke zattary, óz qolymen jasaǵan qobyzy, dombyrasy, jáne shańqobyzy qoıylyp, jazýshynyń shyǵarmashylyq ómirinen syr shertetin fotosýretter men kitaptar kórmesi uıymdastyryldy. Aqseleý Seıdimbektiń jumys orny da osy murajaıda oryn tapqan. Al murajaıdyń kireberisinde Aqseleý aǵamyzdyń bıýst úlgisindegi eskertkishi ornatyldy.
Murajaıdyń saltanatty ashylý rásimine Aqseleý Seıdimbektiń syrlas-dostary - elimizge belgili ǵalym-jazýshylar qatysyp, Saryarqanyń sańlaǵy - Aqseleý Slanuly Seıdimbek týraly jyly estelikter aıtyp, eske aldy.
