Astanada belgilenbegen oryndarda temeki shekkeni úshin 12 myńnan astam adamǵa aıyppul salyndy
ASTANA. QazAqparat - Jyl basynan beri elordada belgilenbegen oryndarda temeki shekkeni úshin 12300-ge jýyq quqyq buzýshylarǵa aıyppul salyndy, dep habarlady Astana ІІD jergilikti polıtsııa qyzmetiniń baspasóz qyzmeti.
«Jyl basynan beri belgilenbegen oryndarda temeki shekken 12300-ge jýyq adam anyqtaldy, qoǵamdyq oryndarda alkogol ishimdikterin ishkeni nemese mas kúıinde bolǵany úshin 14180-nen astam adam ustaldy. Usaq buzaqylyǵy úshin 3200-den astam adam jaýapkershilikke tartyldy, budan basqa 15400-ge jýyq abattandyrý erejelerin buzý faktileri anyqtaldy», - delingen habarlamada.
Eske sala keteıik, QR ÁQBtK-tiń «Keıbir qoǵamdyq oryndarda temeki shegýge tyıym salýdy buzý» 441-babyn buzaǵany úshin úsh AEK mólsherinde (6363 teńge) aıyppul kózdelgen. Jyl ishinde bul bapty qaıtalap buzǵany úshin quqyq buzýshynyń alty AEK (12726 teńge) mólsherinde aıyppul tóleýine týra keledi.
