Astanada Belfast qalasynda ótken 15-shi búkilálemdik oıyndarǵa qatysqan polıtsııanyń sportshy qyzmetkerlerin qarsy aldy
ASTANA. 13 tamyz. QazAqparat - Astanada Belfastta (Soltústik Irlandııa) ótken 15-shi búkilálemdik polıtseıler men órt sóndirýshiler oıyndarynda altyn jáne kúmis medaldardy oljalaǵan polıtsııanyń sportshy qyzmetkerleri Serik Nurǵalıev pen Talǵat Qojabaevty qarsy aldy, dep habarlady Astana qalasynyń JPB qalanyń ІІD baspasóz qyzmetine silteme jasap.
Qazaqstandyq komandanyń quramynda 5 polıtsııa qyzmetkeri boldy, olardyń halyqaralyq deńgeıdegi túrli sport túrleri boıynsha alǵan jetistikteri jeterlik. Komandany polıtsııa podpolkovnıgi, ІІM Ortalyq apparatynyń qyzmetkeri, QR eńbegi sińgen sportshy, quqyq qorǵaý organdary arasyndaǵy álemniń birneshe dúrkin chempıony jáne rekordshysy, Eýropa chempıony Serik Nurǵalıev bastady.
15-shi búkilálemdik polıtseıler men órt sóndirýshiler oıyndarynda Qazaqstan quramasynyń qorjyny 13 medalmen (5 altyn, 3 kúmis jáne 5 qola) tolyqty. Onyń ishinde eki altyndy óz komandasyna Serik Nurǵalıev saldy (benchpress pen pýshpýllıftıng).
Polıtsııa maıory, Astana qalasynyń ІІD JPB aǵa ınspektory, QR halyqaralyq sport sheberi Talǵat Qojabaev Oıyndarda 100 keliden artyq salmaq dárejesinde dzıýdodan óner kórsetip, kúmis júldeger atandy, sonymen qatar absolıýtti salmaqta «altyndy» qanjyǵalady.
Sonymen qatar, Asqar Jandarov - polıtsııa podpolkovnıgi, halyqaralyq dárejedegi sport sheberi jáne quqyq qorǵaý organdary arasyndaǵy álem chempıonatynyń birneshe dúrkin jeńimpazy Belfasttaǵy búkilálemdik oıyndarda grek-rım kúresinen altyn, erkin kúresten - kúmis jáne dzıýdo, pýshpýllıftıng, benchpress pen armrestlıngten qola júldelerdiń ıegeri.
ShQO ІІD «Arlan» arnaıy jasaǵy bóliminiń ınspektory, QR sport sheberi Ashat Elýbaev dzıýdodan 90 keli salmaqqa deıingi dárejede altyn júldege qol jetkizdi.
Oıyndardaǵy sońǵy kúmisti polıtsııa kapıtany, Almaty q. ІІD qyzmetkeri, Qr sport sheberi Ábdisanat Sharafov aldy.
