Astanada Belarýs jáne Polshada oqıtyn stýdentterge granttar bólindi

ASTANA. QazAqparat - 8 maýsym kúni QR Parlamenti Senatynyń depýtaty Birǵanym Áıtimovanyń tóraǵalyq etýimen sheteldik joǵary oqý oryndaryna úmitkerlerdi irikteý jónindegi komıssııanyń otyrysy boldy, dep habarlaıdy QazAqparat QR Aqparat jáne kommýnıkatsııalar mınıstrliginiń baspasóz qyzmetine silteme jasap.

Sharada Belarýs jáne Polsha joǵary oqý oryndaryna granttar bólindi.

Eske sala keteıik, Qazaqstan jáne Belarýs Úkimetaralyq kelisimine sáıkes, Belarýs tarapy 3 bakalavr, 2 magıstr, 1 ǵylym kandıdaty ǵylymı dárejesine - jalpy 6 grant usyndy. Úmitkerlerden 17 mamyrdan 1 maýsymǵa deıngi aralyqta qujat qabyldandy. Oǵan barlyǵy 6 ótinish túsken.
Eske sala keteıik, Polsha tarapy qazaqstandyq jas izdenýshilerge 11 stıpendııa bólgen bolatyn. Qujattar 5-21 sáýir aralyǵynda qabyldandy. 41 qazaqstandyq osy granttar negizinde oqýǵa úmitker bolǵan.

Komıssııanyń sheshimimen Belarýs joǵary oqý oryndaryna baratyn bes, al Polshaǵa baratyn 11 úmitkerge grant taǵaıyndady.
Іrikteýdiń negizgi krıterııleri boıynsha, bakalavr dárejesi úshin dıplomnyń jalpy baǵasy 4,5 (5,0-den) baldan, magıstratýra jáne doktorantýra dárejeleri úshin GPA boıynsha 3,0 (4,0) baldan tómen bolmaýy tıis edi.

Komıssııa quramyna QR Parlamenti Senatynyń jáne QR Parlamenti Májilisiniń depýtattarynan, úkimettik emes uıymdar jáne BAQ ókilderi kirdi.