Astanada baıkerdiń qatysýymen oryn alǵan jol apaty tergelýde
ASTANA. QazAqparat - Elordada baıkerdiń qatysýymen oryn alǵan jol-kólik oqıǵasyna baılanysty sotqa deıingi tergeý amaldary bastaldy.
Bul týraly Astana qalalyq ІІD baspasóz qyzmetinen habarlady.
«Aǵymdaǵy jyldyń 9 qyrkúıeginde, saǵat shamamen 23,30-da «Honda» markaly mototsıkilin mingen 1991 jyly dúnıege kelgen azamat Baýyrjan Momyshuly dańǵylynda belgilengen orynnan ótken jaıaý júrginshini qaǵyp ketti», - delingen habarlamada.
Jol-kólik apaty saldarynan 1988 jyly dúnıege kelgen jaıaý júrginshi men «Honda» mototsıkiliniń 1992 jyly dúnıege kelgen jolaýshysy túrli dene jaraqatymen aýrýhanaǵa jetkilip, mototsıkl júrgizýshisi dárigerler qaraǵannan keıin úıine jiberildi.
Astana qalalyq ІІD Tergeý basqarmasy atalǵan fakti boıynsha QR QK 345 baby boıynsha sotqa deıingi tergeý amaldaryn bastady. Jol-kólik oqıǵasyna qatysy bar barlyq azamattarǵa qatysty tergeý amaldary júrgizilýde. Sonymen qatar sáıkesinshe saraptamalar taǵaıyndaldy.
