«Astana – Qaraǵandy – Almaty» avtojoly ýchaskesinde qozǵalysqa shekteý engiziledi
ASTANA. KAZINFORM – «QazAvtoJol» UK» AQ Almaty oblystyq fılıaly respýblıkalyq mańyzy bar KAZ-01 «Astana – Qaraǵandy – Almaty» avtomobıl jolynyń 1194–1209 (27–42) shaqyrym aralyǵynda ortasha jóndeý jumystary júrgiziletinin habarlady.
Jóndeý jumystaryna baılanysty 2026 jylǵy 24 tamyzdan 10 qyrkúıekke deıin kún saıyn saǵat 22:00-den 05:00-ge deıin atalǵan ýchaskede, ıaǵnı Jibek joly – Qaskeleń aralyǵynda, kólik qozǵalysy ýaqytsha shekteledi.
– Jol jóndeý jumystaryn qaýipsiz ári sapaly júrgizýdi qamtamasyz etý maqsatynda kólik qozǵalysy aınalma jol arqyly uıymdastyrylady. Júrgizýshilerden qozǵalys baǵytyn aldyn ala josparlap, jol belgileri men qozǵalysty retteýshilerdiń talaptaryn qatań saqtaýdy suraımyz, - delingen habarlamada.
Aıta keteıik, elimizde joldardyń jaǵdaıyn JI boljap otyratyn bolady.
