Astanada Baýyrjan Momyshulyna arnalǵan «Qaharman» atty ádebı-shyǵarmashylyq kesh ótedi

ASTANA. Mamyrdyń 4-i. QazAqparat - Erteń, mamyrdyń 5-inde 19.00-de Qazaqstan Respýblıkasynyń Prezıdenttik mádenıet ortalyǵynda Keńes Odaǵynyń Batyry, «Halyq qaharmany», daryndy qolbasshy, qazaq halqynyń ór tulǵasy, kórnekti jazýshy Baýyrjan Momyshulynyń týylǵanyna 100 jyl tolýyna arnalǵan «Qaharman» atty ádebı-shyǵarmashylyq kesh ótedi.

Ádebı-shyǵarmashylyq keshtiń barysynda B. Momyshulynyń ómiri men shyǵarmashylyǵy jóninde syr shertetin derekti jáne kórkem fılmderderden úzindiler, teatrlandyrylǵan qoıylymdar, soǵys jyldarynyń ánderi usynylady.

Keshke QR Mádenıet mınıstri Muhtar Abraruly Qul-Muhammed, Baýyrjan Momyshulynyń kelini, jazýshy Zeınep Ahmetova qatysady dep kútilýde.

Mádenı sharany QR Mádenıet mınıstrligi, «Qazaq áýenderi» AQ uıymdastyryp otyr.