Astanada baýyr men búırekti naýqastyń týystarynan transplantatsııalaý boıynsha halyqaralyq sheberlik synyby ótedi
ASTANA. 9 jeltoqsan. QazAqparat - Astanada 11 jeltoqsan kúni №1 qalalyq aýrýhana bazasynda «Nefrologııa jáne gepatologııa salasyndaǵy ózekti máseleler: baýyr men búırek aýrýlarynyń termınaldy kezeńderinde patsıentterdi baqylaý jáne týystarynan transplantatsııalaý» taqyrybynda sheberlik synyptary ótedi. Bul týraly astana.kz saıtyna №1 qalalyq aýrýhananyń baspasóz qyzmetinen habarlady.
Sheberlik synyby aıasynda N.V. Sklıfosovskıı atyndaǵy JJ ǴZI mamandarynyń jetekshiligimen baýyr men búırekti naýqastyń týystarynan transplantatsııalaý boıynsha otalar jasalady. №1 qalalyq aýrýhana - Astanada elimizde transplantologııany damytyp júrgen qalalyq deńgeıdegi alǵashqy statsıonar. Onda baýyrdy naýqastyń týystarynan aýystyryp salý operatsııasy tuńǵysh ret ótkizilmek. 2012 jyly aqpan aıynda 55 jasar patsıentke ulynyń baýyry transplantatsııalandy. Qazirgi ýaqytta retsıpıent te, donor da ózderin jaqsy sezinedi. Aıta keteıik, Qazaqstan Respýblıkasynda 3 000 jýyq adam búırek aýystyrýdy qajet etetinderdiń tiziminde tursa, jyl saıyn baýyr men júrek aýystyrýǵa muqtaj adamdardyń sany 170-200 jýyqty quraıdy. Qazaqstandyqtar kúrdeli ári qymbat operatsııany shetelde jasatýǵa májbúr. Buǵan báriniń birdeı qoly jete bermeıdi. Osyndaı sheberlik synyptary joǵary mamandandyrylǵan jáne joǵary tehnologııalyq medıtsınalyq kómekti engizý arqyly qazaqstandyq medıtsınany damytýǵa múmkindik beredi, nátıjesinde bul azamattarǵa Qazaqstanda álemdik deńgeıdegi qyzmetter alýǵa múmkindik beredi.
