Astanada baýkespe ury ustaldy
ASTANA. QazAqparat - Elordalyq polıtseıler alaıaqtyq, urlyq jasady jáne avtomobıl urlady degen kúdiktini ustady, dep habarlaıdy «QazAqparat» HAA Astana ІІD baspasóz qyzmetine silteme jasap.
«Jedel-izdestirý sharalar keshenin ótkizý barysynda Astana ІІD Saryarqa aýdandyq ishki ister basqarmasynyń polıtseıleri páter tonaý, alaıaqtyq, avtokólik urlaý faktilerine kúdikti jergilikti turǵyndy ustady», - delingen habarlamada.
11 qańtar kúni 10:00-der shamasynda kúdikti esigi ashyq turǵan páterge kirip, jeke zattardy qoldy etken. Keltirilgen zııannyń kólemi 300 myń teńgeni quraıdy.
10 qańtar kúni keshkisin dúken mańynda ótkinshi adamnan bireýge qońyraý shalaıyn dep telefonyn alyp, zytyp otyrǵan.
Budan tys, Jangeldın kóshesindegi úıdiń aýlasynda turǵan «Volkswagen Passat» markaly avtomobıldi urlap ketken. Sondaı-aq Potanın kóshesindegi úıdiń aýlasynda turǵan avtomashınanyń salonyndaǵy zattardy urlamaq bolǵan.
Barlyq faktiler Sotqa deıingi tergep-tekserýdiń biryńǵaı tizilimine tirkeldi. Sotqa deıingi tergeý júrip jatyr.
Kúdikti buryn da osy taqylettes qylmystar jasaǵany úshin sottalǵan bolyp shyqty. Ol Astana ІІD ýaqytsha ustaý oqshaýlaǵyshyna jiberildi.
Polıtsııa onyń qala aýmaǵyndaǵy osyǵan uqsas basqa da qylmystarǵa qatysy bar-joǵyn tekserip jatyr.
