Astanada «Batyrlar» tarıhı-anımatsııalyq mýltfılminiń tusaýkeseri ótedi
ASTANA. 14 qańtar. QazAqparat - 15 qańtar kúni Astanadaǵy «Kerýen» oıyn-saýyq ortalyǵynda saǵat 16.00-da Qazaqstanda tuńǵysh ret 3D tehnologııasymen túsirilgen «Batyrlar» anımatsııalyq mýltserıalyn jasaýshylardyń baspasóz máslıhaty ótedi.
Bul týraly «Nur Otan» partııasynyń baspasóz qyzmeti habarlady.
Baspasóz máslıhatyna «Qazaqstan» RTRK» AQ-nyń basqarma tóraıymy Nurjan Muhamedjanova jáne mýlfılm prodıýsserleri Ernar Qurmashev pen Aınur Temirhanqyzy qatysady.
Osy sharadan keıin «Batyrlar» mýlfılminiń kórsetilimi bolady. «Batyrlar» anımatsııalyq kartınasy MoCap-motion capture jańa qural-jabdyqtaryn paıdalana otyryp, qazirgi zamanǵy tehnologııalardyń kómegimen túsirilgen. Anımatsııalyq kınony túsirý barysynda buǵan deıin «Avatar» fılmin jasaýda qoldanylǵan optıkalyq qamtý men qozǵalysty tsıfrlaý júıesi paıdalanyldy.
