Astanada batpyraýyqtar ushyryldy (FOTO)
ASTANA. QazAqparat - Astanada ondaǵan batpyraýyq ushyryldy. Saraıshyq kóshesindegi kópirdiń janynda Esil ózeniniń jaǵalaýynda «Astana aspany» batpyraýyqtar festıvali ótip jatyr.
Sharaǵa Frantsııa, Germanııa, Ispanııa, Nıderlandy jáne Reseıden kelgen 70 jýyq adam qatysýda.
Astana qalasy mádenıet basqarmasynyń muryndyq bolýymen atalmysh shara elordada úshinshi ret uıymdastyrylyp otyr. Elorda turǵyndary men qonaqtaryn 5 jáne 6 shildede saǵat 12-den keshki 8-ge deıin bul sharany tamashalaı alady.
- Sheteldik dızaınerler elorda turǵyndary men qonaqtarynyń nazaryna ádemi batpyraýyqtar usynady. Álemde batpyraýyqtar ushyratyn basqa da festıvaldar bar - jarystar, batpyraýyqtardy sınhrondy túrde ushyrý, - deıdi «Astana aspany» festıvaliniń ákimshisi Qaısar Sabybaev.
Al kishkentaı astanalyqtar úshin shara barysynda sheberlik dáristeri uıymdastyrylyp, batpyraýyqtar jasaý jáne ushyrý joldary kórsetiledi.
Eki kúnge jalǵasatyn festıval baǵdarlamasynda elordalyq «Amerıkano» laıv-bend, «Vysokıe bratıa & TallBrothers» máskeýlik kóshe teatry, «Pavana» Nıderlandy teatrynyń trýppasy, sondaı-aq, dıdjeıler óner kórsetedi, konkýrstar men batpyraýyqtar utysy ótkiziledi, dep habarlaıdy astana. kz. 
