Astanada basyna metall konstrýktsııa qulaǵan áıeldiń jaǵdaıy áli de aýyr
NUR-SULTAN. QazAqparat – Nur-Sultanda tóbesine metall konstrýktsııa qulaǵan áıel áli de jansaqtaý bóliminde jatyr, dep habarlaıdy QazAqparat tilshisi.
«Aýrýhanaǵa túsken sátte áıelge jedel operatsııa jasalyp, jansaqtaý bólimine túsken edi. Atap ótken jón, áıel aýrýhanaǵa túskende-aq óte aýyr jaǵdaıda bolǵan. Qazir de ol jansaqtaý bóliminde aýyr jaǵdaıda jatyr», - dep habarlady qalalyq Densaýlyq saqtaý basqarmasynyń baspasóz qyzmetinen.
Eske sala ketsek, Nur-Sultanda kópqabatty úı shatyrynan metall konstrýktsııa qulaǵan edi. Saldarynan 56 jastaǵy áıel túrli jaraqat alyp, jansaqtaý bólimine tústi. Oqıǵaǵa qatysty QR Qylmystyq kodeksiniń 306-babyna sáıkes sotqa deıingi tergeý amaldary bastaldy.
