Astanada basty kóshelerdiń birinde kólik qozǵalysy ishinara jabylady
ASTANA. QazAqparat - Elordada Máńgilik el dańǵylynyń Saraıshyq kóshesinen Kereı-Jánibek handar kóshesi aralyǵynda qalalyq Kólik jáne jol-kólik ınfraqurylymdy damytý basqarmasy jóndeý jumystaryn júrgizýde, dep habarlaıdy QazAqparat qala ákimdiginiń saıtyna silteme jasap.
Asfaltbetonnyń joǵary qabatyn aýystyrýǵa baılanysty dańǵyldyń kelesi bólikterinde avtokólik qozǵalysy tolyǵymen jabylady:
1) 27 shildede saǵat 18:00-den bastap 28 shildede 18:00-ge deıin Máńgilik el dańǵylynyń Saraıshyq kóshesinen Nurjol jelekjolyna deıin;
2) 28 shildede 18:00-den bastap 29 shilde 18:00-ge deıin Máńgilik eldiń Nurjol jelekjolynan Bas prokýratýra mańyndaǵy qıylysyna deıingi aralyqta;
3) 29 shildede 18:00-den 30 shilde 18:00-ge deıin Máńgilik el dańǵylynyń Bas prokýratýra qıylysy tusynan Kereı-Jánibek handar kóshesine deıingi aralyqta.
Basqarma qala turǵyndary men qonaqtaryna joldy jóndeý jumystaryna baılanysty kidiristerge túsinistikpen qarap, kólik keptelisterin boldyrmaý úshin baǵdarlaryn aldyn ala josparlap alýdy suraıdy.
