Astanada bastaýysh synyp oqýshylary búgin de qashyqtan oqıdy

ASTANA. QazAqparat - Elorda mektepteriniń birinshi aýysymyndaǵy 0-4 synyp oqýshylary 9 jeltoqsanda qashyqtyqtan bilim alady, dep habarlaıdy QazAqparat Astana qalasy Bilim basqarmasynyń baspasóz qyzmetine silteme jasap.

«2022 jyldyń 9 jeltoqsanynda aýa raıynyń nasharlaýyna baılanysty birinshi aýysymnyń 0-4 synyp oqýshylary qashyqtyqtan oqytý formatyna kóshedi», - delingen vedomstvo habarlamasynda.

Sondaı-aq basqarma Astanadaǵy mektepterde 0-11 synyptar men kolledjderdiń 1-2 kýrs stýdentteriniń birinshi aýysymdaǵy sabaqtarynyń toqtatylatyny týraly jelide taraǵan aqparattyń jalǵan ekenin málimdedi.

Buǵan deıin habarlaǵanymyzdaı, 8 jeltoqsanda aıazǵa baılanysty respýblıkanyń birneshe oblysyndaǵy mektepterde sabaq onlaın formatqa kóshirildi.