Astanada basshylar sany 2 esege qysqardy
«2017 jyly bizde 26 qurylymdyq bólimshe bolǵan edi. Biz olardy 17-ge deıin qysqarttyq. Basshylyq quram sany eki esege qysqardy. Qyzmetkerlerdi ishteı bólýdiń esebinen beıindi bólimderdiń úlesin, ıaǵnı, energetık, jolshy, qurylysshy syndy mamandardy ulǵaıttyq. Olardyń sany 80 paıyzǵa deıin kóbeıdi», - dedi elorda ákimi qalalyq «iKomek» monıtorıng jáne jedel áreket etý ortalyǵyndaǵy jıyn barysynda
Qala basshysy halyqtyń elordaǵa kóptep qonystanýyna baılanysty memlekettik qyzmetshilerge júktemeniń artyp otyrǵanyn aıtty.
«Halyq sanynyń ósýine baılanysty elorda ákimdiginiń 1 qyzmetkerine 1275 adamnan keledi. Al keıbir óńirlerde bul kórsetkish 600 adamnan aspaıdy», - dedi Áset Isekeshev.
Onyń aıtýynsha, 2008 jyly Astana turǵyndary 600 myń adamdy qurap, ákimdiktiń shtat sany 1043 birlik bolsa, al qazirgi ýaqytta 1,1 mln adam turatyn qala ákimdiginde 941 qyzmetker jumys isteıdi.
«Demek, ákimdiktiń bir qyzmetkerine júkteme 3 ese ósti degen sóz. Buǵan qosa halyq ósiminiń jartysy ótken jyly Astanaǵa tıesili boldy», - dep túsindirdi ákim.
