Astanada bássaýdaǵa Golovkınniń qoltańbasy bar bokserlik qolǵaby men Nıbalıdiń sary jeıdesi shyǵarylady
ASTANA. QazAqparat - Astanadaǵy VII Qysqy qaıyrymdylyq balynda alǵash ret bássaýdaǵa Gennadıı Golovkınniń qoltańbasy bar bokserlik qolǵap shyǵarylady.
Atap aıtqanda, bıylǵy 14 jeltoqsanda saǵat 19:00 Astanada VII Qysqy qaıyrymdylyq baly ótedi. Barlyq túsken qarajat balalar úıi tárbıelenýshileri men Astananyń az qamtylǵan otbasynan shyqqan balalardy qoldaýǵa jumsalady.
«Bal qysqy ertegi jelisimen ótetin bolady. Ádettegideı, Bal debıýtanttardyń oryndaýyndaǵy tamasha bılerimen - venalyq vals, áserli rok-n-roll, polka, blıýz jáne qazaq valsimen ashylady. Balda qazaqstandyq ártister óz ónerlerimen tánti enpek»,-delingen taratylǵan málimette.
Qarly kesh barysynda kartınalar men óner týyndylarynyń akýtsıony bolmaq. Sonymen qatar, alǵash ret bássaýdaǵa Gennadıı Golovkınniń qoltańbasy bar bokserlik qolǵap jáne «Týr de Frans» jeńimpazy Vınchentso Nıbalıdiń sary jeıdesi qoıylady.
Sondaı-aq, kesh qonaqtary arasynda Rozita jáne Pasha zergerlik úıleriniń baǵaly áshekeıleri men aksessýarlary, Renaissance sulýlyq klýbynyń jáne Luxury House arýlar úıiniń sertıfıkaty, LifeFitness fıtnes-klýbynyń abonementi jáne t.b. baǵaly syılyqtardyń utys oıyny kútedi.
Bul sharany «Bolashaq» qaıyrymdylyq qory, «Nur Otan» partııasy men «Radisson HotelAstana» qonaqúıi uıymdastyryp otyr.
