Astanada baspana baǵasy jyl aıaǵyna deıin 10 paıyzǵa tómendeıdi - Jyljymaıtyn múlik sarapshysy
ASTANA. QazAqparat - Astanada baspana baǵasy jyl aıaǵyna deıin 10 paıyzǵa tómendeıdi. Bundaı pikirdi búgin «Qazaqstan 2050» Jalpyulttyq qozǵalysy sarapshylyq klýbynda ótken otyrysta BI-group kompanııasynyń ókili, sarapshy Anar Qýandyqova aıtty.
«Qazirgi kezde jyljymaıtyn naryǵy boıynsha tómendeýdi sezinip otyrmyz. Bul turǵyda naryq kóleminen bólek, baǵalar da tómendeýde. Jalpy bul trend 2015 jyldyń basynan bastaý aldy jáne ony biz aıqyn baıqadyq. ıAǵnı, qazirgi kezde birqatar kompanııalardyń defolty bolady dep oılaımyz. Osyǵan sáıkes, naryqty saýyqtyrý úrdisi júredi. Shaǵyn kompanııalar qalyptasyp otyrǵan ahýaldy eńsere almaıdy, sebebi keıbir kompanııalar ózderiniń jobalarynyń ekonomıkasyn aldyn ala eseptep, túgendeı almaı jatady», - dedi A. Qýandyqova.
Sáıkesinshe, bastapqyda olardyń baǵasy tómen bolǵandyqtan, qazirgi kezde odan tómen túsire almaıdy. Al iri kompanııalarda jaǵdaı ózgeshe. Іri kompanııalar búginde shyn máninde ózindik qunyn tómendetý jumystarymen aınalysýda jáne jalpy alǵanda, ınflıatsııalyq targetteýge durys is-qımyldar jasaı aldy.
Onyń sózine qaraǵanda, iri qurylys kompanııalary qazirgi kezde Ulttyq banktiń baǵamy boıynsha jumys istep otyrǵan joq. Bul kompanııalar tutynýshylardyń naqty múmkindikterine qaraı moıyn bura bastady.
Sarapshynyń paıymynsha, jalpy jyljymaıtyn múlikke baǵa tómendeýde jáne qala boıynsha páterlerdiń ekonom, bıznes, komfort sanattaryna qatysty jyl aıaǵyna deıin 10 paıyz kóleminde baǵanyń tómendeýi oryn almaq.
Sonymen qatar ol premıým sanattaǵy baspanalarǵa toqtala kele, páterlerdiń bul túri kompanııanyń portfelinde bes paıyzdan aspaıtyndyǵyn jáne qazirgi kezde osy páterler eleýli suranysqa ıe bolmaı otyrǵandyǵyn jetkizdi.
