Astanada baspa BAQ-tardyń onlaın rejımde damý perspektıvalary talqylandy
ASTANA. QazAqparat - «Qazkontent» AQ 2012 jyldan beri 1000-nan asa baspa basylymdardyń túgeldeı Internetke kóshýine jáne onlaın-nusqasyn jasaýǵa kúsh salǵan. Al bıyl kompanııa 200 baspa BAQ-tyń ınternet redaktsııasyn jasamaq. Bul týraly Astanada ótken «Baspa BAQ-tardyń onlaın redaktsııalary: ózekti máseleler men damý perspektıvalary» atty konferentsııa barysynda «Qazkontent» AQ-nyń ınternet jobalar boıynsha basqarýshy dırektory Jandos Chýlakov málim etti.
«Aımaqtardaǵy baspa BAQ-tardyń ókilderin jınaıtyn bul konferentsııa dástúrge aınalǵan. Úshinshi ret ótip jatqan konferentsııanyń bıylǵy bir ereksheligi - konferentsııaǵa blogerler men mass-medıa salasynyń mamandarynan tys, ǵylymı ortany, ıaǵnı, jýrnalıstıka salasyndaǵy professorlar men oqytýshylardy shaqyryp otyrmyz. Jalpy, bul joba Memleket basshysynyń «Aqparatty Qazaqstan-2020» atty baǵdarlamasynyń aıasynda bastalǵan edi»,-deıdi basqarýshy dırektory.
Onyń aıtýynsha, «QazKontent» AQ 2012 jyldan beri elimizde 1000-ǵa jýyq baspa BAQ-tyń onlaın-redaktsııasyn jasaǵan.
«2012 jyldan beri myńnan asa baspa BAQ-tyń onlaın redaktsııasyn jasadyq. Bıyl 200 gazet-jýrnalmen baılanys ornattyq. Bul úrdis baspa BAQ-tyń jumysyn tejemeıdi, kerisinshe, onlaın-redaktsııalaryn damytady, jetildiredi»,-deıdi J.Chýlakov.
Aıta keteıik, aqparatty onlaın rejımge beıimdeý joldary talqylanǵan konferentsııa QR Investıtsııa jáne damý mınıstrliginiń Baılanys, aqparat jáne aqparttandyrý komıtetiniń qoldaýymen ótip otyr.
