Astanada Bas prokýratýranyń Call-ortalyǵy óz jumysyn bastady

«Prokýratýra organdarynyń zańdylyqty qamtamasyz etý, azamattardyń konstıtýtsııalyq quqyqtaryn qorǵaý qyzmetterin jetildirý kóbinese aqparattyq tehnologııalardy tıimdi paıdalanýmen baılanysty. Іske qosylǵan Qazaqstan Respýblıkasy Bas prokýratýrasynyń Call-ortalyǵy osyndaı jańa ári suranysqa ıe júıelerdiń biri bolmaqshy», - delingen habarlamada.

Azamattardyń konstıtýtsııalyq quqyqtary men bostandyqtaryn buzý faktilerimen baılanysty jeke jáne zańdy tulǵalardyń shaǵymdaryn qabyldaý jáne tirkeý ortalyqtyń negizgi mindetterine kiredi. Atap aıtqanda, habarlamalar qylmys, habar-osharsyz ketken adamǵa izdeý salý týraly, zańsyz alyp ketý boıynsha aryzdardy tirkeýden negizsiz bas tartýdy bildiretin qylmystyq qýdalaý organdarynyń áreketterine qatysty bolýy múmkin.

Call-ortalyǵy arqyly kásipkerlerdiń quqyqtaryn buzý týraly, sonyń ishinde zańsyz tekserýlerge baılanysty, sondaı-aq laýazymdy tulǵalardyń sybaılas jemqorlyq sıpatyndaǵy áreketterine qarsy shaǵymdar boıynsha habarlasýǵa bolady.

Sonymen qatar árbir azamat jazbasha túrde shaǵym berý tártibi týraly túsinik ala alady.

Qajet bolǵan jaǵdaıda jasalǵaly jatqan nemese jasalǵan qylmystar jaıly, memlekettik nemese qoǵamdyq qaýipsizdikke tónetin qater týraly shaǵymdardy Call-ortalyǵy quzyretterine sáıkes tıisti memlekettik organdarǵa dereý qaıta joldaıdy.

Eger shaǵym Biryńǵaı aqparattyq-taldaý júıesinde tirkeýge jatpaıtyn nemese ony qaraý prokýratýra organdarynyń quzyretine kirmeıtin bolsa operator aryzdanýshyǵa osy shaǵymdy berý tártibin túsindiredi nemese aryzdanýshy qoıǵan máseleni sheshý quzyretine kiretin memlekettik organnyń derektemelerin beredi. Shuǵyl jaǵdaılarda operator osy aryzda qoıylǵan máselelerdi sheshý quzyretine kiretin ortalyq memlekettik organ jelisine qosý boıynsha sharalar qabyldaıdy.

Call-ortalyǵynyń operatorlary shaǵymdardy táýlik boıyna 115 nómiri arqyly qabyldaıdy.