Astanada Bas prokýratýra ǵımaratynyń mańynda kólikter soqtyǵysty
ASTANA. QazAqparat - Elordada Máńgilik el dańǵyly boıyndaǵy QR Bas prokýratýrasynyń ǵımaraty mańynda jol-kólik apaty boldy, dep habarlaıdy «QazAqparat» HAA tilshisi.
Astana qalalyq ІІD baspasóz qyzmetiniń aqparaty boıynsha, jol apaty tańǵy saǵat 8:30-da bolǵan. Aldyn ala derek boıynsha, Dostyq kóshesine bet alǵan Volkswagen Passat avtokóliginiń júrgizýshisi Máńgilik el dańǵylymen kele jatyp, qarsy jolaqqa shyǵyp ketken. Saldarynan Honda markaly kólikpen soqtyǵysqan.
Volkswagen Passat júrgizýshisi dene jaraqattarymen aýrýhanaǵa jetkizilip, medıtsınalyq kómek kórsetilgennen keıin úıine qaıtaryldy. Polıtsııa qyzmetkerleri júrgizýshige qatysty QR Ákimshilik kodeksiniń 610-baby boıynsha ákimshilik hattama toltyrdy.
