Astanada «Bárimiz birdeımiz - kemsitýdi bilmeımiz!» atty I respýblıkalyq baıqaýdyń jeńimpazdary marapattaldy

Qazaqstanda alǵash ret uıymdastyrylǵan baıqaý on atalym boıynsha ótti. Onyń ishinde «Úzdik stýdent», «Óz kásibiniń úzdigi», «Úzdik bı», «Aqyldylar», «Úzdik týyndy», «Altyn qalam», «Eń úlgili otbasy», «Úzdik áleýmettik joba», «Úzdik oryndaýshy» jáne «Úzdik sportshy» atalymdary bar. QR Eńbek jáne áleýmettik qorǵaý mınıstri Tamara Dúısenova atap kórsetkendeı, baıqaýǵa respýblıka boıynsha 6 myńnan astam múmkindigi shekteýli azamat qatysty. Olardyń 339-y júldeli oryndarǵa ıe boldy. Birinshi oryndy jeńip alǵandarǵa 350 myń teńge kóleminde syıaqy berildi. Al júldeli oryndarǵa ilikkenderdiń bárine planshettik kompıýterler syıǵa tartyldy. Táýelsizdik saraıynda ótken marapattaý rásimi baıqaý jeńimpazdarynyń gala-kontsertine ulasty. Aıta keteıik, «Bárimiz birdeımiz - kemsitýdi bilmeımiz!» atty I respýblıkalyq baıqaý aǵymdaǵy jyly 7 maýsym kúni bastalǵan bolatyn. Sodan bastap barlyq oblystarda aımaqtyq saıystar ótip, búginde oq boıy ozyq shyqqan jeńimpazdar anyqtalyp otyr.