Astanada «Balbóbek» balalar shyǵarmashylyǵy festıvali ótedi
ASTANA. QazAqparat - 30 qazan kúni Astanadaǵy «Jastar» saraıynda «Balbóbek» ashyq qalalyq balalar shyǵarmashylyǵy festıvali ótedi, dep habarlaıdy QazAqparat.
Qala ákimdiginiń qoldaýymen ótetin úshkúndik festıval birneshe kezeńnen turady. Baıqaý nomınatsııalary: «Horeografııa», «Estradalyq vokal», «Kórkem sóz» jáne «Beıneleý óneri». Festıvalge qatysýǵa 7-17 jas aralyǵyndaǵy daryndy balalar qatysa alady. Ótinimder 26 qazanǵa deıin qabyldanady.
Elordanyń Mádenıet jáne sport basqarmasynan málim etkendeı, qatysýshylardy bilikti qazylar alqasy baǵalaıtyn bolady. Baǵalaý krıterııleri nomınatsııaǵa baılanysty.
Dástúrli «Balbóbek» festıvalinde osy ýaqytqa deıin birneshe myńdaǵan kishkentaı ártister, bıshiler men ánshiler óner kórsetti. Jyl ótken saıyn qatysýǵa nıet bildirýshiler sany eselep artyp keledi.
30 qazan kúni (saǵat 10:00) birinshi irikteý kezeńi, 31 qazanda (saǵat 10.00) ekinshi týr ótedi. Festıvaldiń saltanatty túrde jabylý rásimi men jeńimpazdardy marapattaý 1 qarasha kúnine (saǵat 15.00) josparlanǵan.
