Astanada «Balapan» telearnasynyń 7 jyldyǵy atalyp ótiledi
ASTANA. QazAqparat - Elimizdegi tuńǵysh balalarǵa arnalǵan «Balapan» telearnasy 7 jyldyǵyn atap ótedi, dep habarlaıdy QazAqparat.
«Samǵa Balapan» atty merekelik shara 23 qyrkúıekte saǵat 14:00-de Astanadaǵy Beıbitshilik jáne kelisim saraıynda ótedi.
Osy oraıda, 7 jyldyq jumysty qorytyndylaı kele, kórkemdik keńestiń sheshimi boıynsha: «Eń úzdik tikeleı efır júrgizýshi», «Eń úzdik baǵdarlama júrgizýshi», «Eń úzdik anımatsııalyq fılm», «Eń úzdik oıyn-saýyqtyq baǵdarlama», «Eń úzdik dýblıaj», «Eń úzdik stsenarıı avtory», «Eń úzdik rejısser», «Eń úzdik sporttyq baǵdarlama», «Eń úzdik telehıkaıa», «Eń úzdik mýzykalyq baǵdarlama», «Eń úzdik tanymdyq baǵdarlama», «Eń úzdik ıntellektýaldyq baǵdarlama», «Eń úzdik oıyn-saýyqtyq baǵdarlama» nomınatsııatsııalarymen marapattalyp, sońy merekelik gala-kontsertke ulasady.
Sondaı-aq, arna ujymy kishkentaı qonaqtarǵa arnap ártúrli tosyn syılar, anımatorlar, akvagrım jáne selfı alańy sııaqty qyzyqty sharalar uıymdastyrady.
Eske sala ketsek, «Balapan» telearnasy 2010 jyldyń 27 qyrkúıeginde «QAZAQSTAN» RTRK» AQ quramynda ashylǵan bolatyn.
