Astanada balany soǵyp ketken júkti áıelge qatysty úkim shyqty

«Astana qalasy №2 Almaty aýdandyq sotynyń úkimimen azamatsha Sákenova QR QK 345-baby 3-bóliminde qarastyrylǵan qylmys boıynsha aıypty dep tanyldy. Aıyptalýshy 2 jyl 6 aıǵa bostandyǵynan, sonymen qatar 5 jylǵa kólik júrgizý quqyǵynan aıyryldy», - dep habarlady Astana qalalyq sotynyń baspasóz qyzmetinen.

Vedomstvoda atap ótkendeı, QR QK 74-baby 1-bólimine sáıkes, sot Sákenovanyń júkti bolǵanyn eskere otyryp, onyń jazany óteý merzimin 1 jylǵa shegerdi.

Eske sala keteıik, aǵymdaǵy jyly 25 mamyrda azamatsha Sákenova «Toıota Land Krýzer» kóligin basqara otyryp, abaısyzdan kámelet jasqa tolmaǵan balany soǵyp ketti. Saldarynan japa shegýshi qaza tapty.

Sot úkimi zańdy kúshine enbedi.