Astanalyqtar balalaryn PMPK qabyldaýyna onlaın jazdyra alady

PMPK — balanyń psıhofızıkalyq damý erekshelikterin keshendi baǵalap, oǵan qajetti bilim berý baǵdarlamasy men oqý túrin anyqtaıtyn komıssııa. Osyǵan deıin ata-analar qabyldaýǵa jazylý úshin telefon shalyp nemese mekemege jeke barýy qajet bolatyn. Endi bul rásimdi úıden shyqpaı-aq, birneshe mınýt ishinde oryndaýǵa bolady.

Astana Innovations usynǵan jańa tsıfrlyq sheshim turǵyndardyń ýaqytyn únemdeýge jáne qyzmet kórsetý úderisiniń ashyqtyǵyn arttyrýǵa baǵyttalǵan.

Endi PMPK qabyldaýyna tórt qadam arqyly jazylýǵa bolady.

Aldymen http://Astana.kz saıtyna kirip, avtorızatsııadan ótý qajet. Júıege kirýdiń úsh tásili bar:

• elektrondyq tsıfrlyq qoltańba (ETsQ) arqyly;
• SMS-kod kómegimen;
• eGov arqyly.

«Qalalyq qyzmetter» bóliminen «PMPK qabyldaýyna jazylý» qyzmetin tańdaý kerek. Bul bólimde qyzmet týraly tolyq aqparat pen qajetti qujattar tizimi de berilgen.

Júıe bos ýaqyty kórsetilgen qabyldaý kestesin avtomatty túrde usynady. Eger tizim bos bolsa, demek, dál qazir bos oryn joq. Qabyldaý kestesin qyzmet kórsetetin mekemeniń ózi qalyptastyrady. Jańa oryndar paıda bolǵan kezde olar portalǵa birden engiziledi.

Sońǵy qadamda eki bólimge mindetti málimetterdi toltyrý qajet:

1. Ótinish berýshiniń jeke derekteri: ótinish berýshiniń sanaty, JSN, tegi, aty, ákesiniń aty, týǵan kúni jáne telefon nómiri.
2. Bala týraly málimetter: JSN, tegi, aty, týǵan kúni, jynysy, oqý tili jáne ózi baratyn bilim berý uıymy týraly aqparat.

Barlyq málimet toltyryp, ótinishke ETsQ arqyly qol qoıǵannan keıin ol júıege jiberiledi.

Ótinish berilgen soń onyń qaralý barysyn bilý úshin portaldan shyǵýdyń qajeti joq. Ol úshin jeke kabınetke kirip, myna bólimge ótý jetkilikti:
Jeke kabınet → Qyzmetter → Qyzmetter tarıhy.

Bul jerde ótinishtiń tirkeý nómiri men aǵymdaǵy mártebesi kórsetiledi.
Osylaısha, Astana.kz portaly arqyly elorda turǵyndary ótinish berýden bastap, nátıjesin alǵanǵa deıingi búkil úderisti onlaın baqylaı alady.

Buǵan deıin