Astanada «Balalaryńdy umytpa - alıment tóle!» aktsııasy ótip jatyr

4 naýryzǵa deıin jalǵasatyn bul shara týraly qalalyq prokýratýranyń baspasóz qyzmetinen habarlandy.

Aktsııa barysynda boryshkerlerdiń turǵylyqty meken-jaılary boıynsha reıd ótkiziledi. Olardyń qarjy kózderin anyqtaý úshin múliktik jaǵdaılary tekserilip, boryshkerlerdiń jalaqysynan alımentterdi ýaqytynda ustaý men aýdarý boıynsha uıymdardyń býhgalterııalaryna tekserý júrgiziledi. Sonymen birge, ishki ister organdarymen birlesip izdeý jarııalanǵan boryshkerlerdiń turatyn jerlerin anyqtaý men olardy tabý sharalaryn ótkizý josparlanǵan.

Toqtala ketetin jaıt, Astana qalasy Almaty aýdany boıynsha 5 799 oryndaýshylyq qujat bar. Sonyń 658-i nemese árbir toǵyzynshy boryshker óz balalaryna erikti túrde alıment tóleıdi, al 12 261 boryshkerden alıment tólemderi májbúrli túrde óndirip alynady.