Astanada balalary túnde qaraýsyz júrgen 80 ata-ana jaýapqa tartyldy
ASTANA. QazAqparat - Astana qalalyq Polıtsııa departamentiniń jergilikti polıtsııa qyzmeti kámeletke tolmaǵandardyń arasyndaǵy quqyqbuzýshylyqtar men qylmystardyń aldyn alý maqsatynda túngi reıd uıymdastyrdy. Bul týraly QazAqparat ElordaInfo saıtyna silteme jasap habarlaıdy.
«2018 jyldyń 2-4 qarashasy aralyǵynda, oqýshylar kezekti demalystarynda júrgende tártip saqshylary tarapynan arnaıy reıd uıymdastyryldy. Reıd jumystarynyń qorytyndysy boıynsha, 80 adam jaýapqa tartyldy. Buǵan qosa túngi ýaqytta zańdy qamqorshylarynyń joqtyǵyna qaramastan kámeletke tolmaǵandardyń kóńil kóteretin oryndarda emin-erkin júrýine jol bergen 10 kóńil kóterý nysanynyń basshysy ákimshilik jaýapqa tartyldy», delingen habaramada.
Astana ákimdiginiń kámeletke tolmaǵandardy beıimdeý ortalyǵyna 20 jasóspirim jetkizildi.
