Astanada balalarǵa qatysty jol-kólik oqıǵalary jıilep ketti - Bilim basqarmasy
ASTANA. QazAqparat - Astana qalasynyń Bilim basqarmasy qala turǵyndary men qonaqtaryn jolda júrý erejelerin qatań saqtap, muqııat bolýǵa shaqyrady, dep habarlaıdy QazAqparat.
Sońǵy kezderi qalada balalarǵa qatysty jol-kólik oqıǵalarynyń sany kóbeıgen. Osyǵan baılanysty elordalyq Bilim basqarmasy turǵyndarǵa jolda júrý erejelerin qatań saqtap, muqııat bolýǵa shaqyrýda.
Bilim berý mekemeleriniń basshylaryna balalarǵa jol júrisi qaǵıdalaryn saqtaý qajettiligi týraly dárister men túsindirý jumystaryn qaıta júrgizý tapsyryldy.
«Qurmetti ata-analar!
Balalardy kóshege jibergende, qaýipsizdik erejelerin, joldarda ásirese muqııat bolý qajettiligin eske salýyńyzdy suraımyz, óıtkeni bizdiń balalarymyzdyń ómiri men densaýlyǵynan qymbat eshteńe joq», - delingen basqarmanyń eskertýinde.
Aıta keterligi, 29 qańtarda tańerteń Qabanbaı batyr dańǵyly boıynda eki jazataıym oqıǵa tirkeldi. Joldy kesip ótip bara jatqan 9-synyp oqýshysyn kólik qaǵyp ketip, jasóspirim qaza tapty. Sol tusta taǵy bir áıeldi mashına soǵyp, mert boldy.
