Astanada balalarǵa arnalǵan jańa travmatologııalyq pýnkt ashyldy
ASTANA. KAZINFORM – Elordadaǵy №2 Qalalyq kópbeıindi balalar aýrýhanasynyń jaraqat pýnkti jańa ǵımaratqa kóshti. Jalpy aýdany 2,6 myń sharshy metrden asatyn nysanda balalarǵa shuǵyl medıtsınalyq kómek kórsetýge arnalǵan zamanaýı jabdyqtar ornatylǵan. Munda reanımatsııalyq zal, operatsııalyq blok, kompıýterlik tomografııa jáne rentgen kabınetteri bar.
Aýrýhananyń jaraqat pýnktine kún saıyn túrli jaraqat alǵan 400-ge jýyq bala medıtsınalyq kómek surap keledi. 2025 jyly munda 112 775 júginý tirkelgen. Bul kórsetkish 2023 jylmen salystyrǵanda 20,7 paıyzǵa joǵary. Balalardyń jaraqat alýyna baılanysty medıtsınalyq kómekke júginýshiler sanynyń artýy burynǵy ǵımarattyń múmkindigin keńeıtýdi qajet etken.
Osyǵan baılanysty jaraqat pýnktiniń jańa qosalqy ǵımaraty ashyldy. Jalpy aýdany 2 678,32 sharshy metrdi quraıtyn nysanda shuǵyl medıtsınalyq kómek kórsetýge qajetti bólimder men dıagnostıkalyq kabınetter bir jerge shoǵyrlandyrylǵan. Atap aıtqanda, reanımatsııalyq zal, operatsııalyq blok, kompıýterlik tomografııa jáne rentgenodıagnostıka kabınetteri jabdyqtalǵan.
Zamanaýı medıtsınalyq qural-jabdyqtar jaraqat alǵan balalardyń jaǵdaıyn jedel baǵalap, qajetti tekserýlerden ótkizýge múmkindik beredi. Bul dárigerlerge dıagnozdy naqtylap, ári qaraıǵy emdeý tásilin tańdaýǵa kómektesedi.
Jaraqat pýnktiniń meńgerýshisi Baımahan Sadýov jańa ǵımarattyń ashylýy medıtsınalyq qyzmetkerler úshin de, kishkentaı patsıentter úshin de mańyzdy ekenin aıtty. Onyń sózinshe, balalar sanynyń artýyna baılanysty burynǵy ǵımarat kelýshilerdi qabyldaýǵa tarlyq ete bastaǵan.
-Balalar sany kóbeıip keledi, sondyqtan bizge jańa jaraqat pýnkti qajet boldy. Jańa ǵımarattyń ashylǵanyna óte qýanyshtymyz. Munda keń, jaryq bólmeler bar, balalarǵa qajetti jaǵdaı jasalǵan. Ýltradybystyq zertteý, kompıýterlik tomografııa, magnıttik-rezonanstyq tomografııa, operatsııalyq blok, eki rentgen kabıneti jáne reanımatsııalyq zal bar. Barlyq qajetti qural-jabdyqpen qamtamasyz etildik – dedi ol.
Meńgerýshiniń aıtýynsha, jańa ǵımaratqa qaramastan, burynǵy medıtsınalyq ujym jumysyn jalǵastyrady. ıAǵnı balalarǵa kómek kórsetetin dárigerler quramy ózgermegen.
-Bizdiń jaraqat pýnktinde bilikti dárigerler jumys isteıdi. Jańa ǵımarat ashylǵanymen, burynǵy medıtsınalyq ujymymyzdy saqtap qaldyq. Sol mamandar endi kishkentaı patsıentterge jańartylǵan tehnologııalar men zamanaýı jabdyqtardyń kómegimen medıtsınalyq kómek kórsetedi, – dedi Baımahan Sadýov.
№2 Qalalyq kópbeıindi balalar aýrýhanasy týǵannan bastap 18 jasqa deıingi balalarǵa mamandandyrylǵan statsıonarlyq medıtsınalyq kómek kórsetedi. Shuǵyl jaǵdaılarda travmatologtar, hırýrgter, anestezıolog-reanımatologtar jáne dıagnostıkalyq qyzmet mamandary birlesip jumys isteıdi.
Jańa ǵımarattyń paıdalanýǵa berilýi patsıentterdi qabyldaý men tekserý tártibin jetildirýge múmkindik beredi. Balalardy qajetti medıtsınalyq kómek túrine qaraı baǵyttaý, dıagnostıkadan ótkizý jáne emdeý úderisterin birizdi uıymdastyrý kózdelgen. Sonyń arqasynda shuǵyl kómekke muqtaj balalardyń ýaqyt joǵaltpaı tıisti tekserýden ótýine jaǵdaı jasalady.
Osylaısha, jańa jaraqat pýnkti elordadaǵy balalarǵa arnalǵan shuǵyl medıtsınalyq kómektiń múmkindigin keńeıtedi. Zamanaýı dıagnostıkalyq jabdyqtar men arnaıy bólimderdiń bir jerde ornalasýy dárigerlerdiń jumysyn jeńildetip, kishkentaı patsıentterge kórsetiletin medıtsınalyq kómektiń qoljetimdiligi men sapasyn arttyrýǵa yqpal etedi.
Buǵan deıin Qazaqstanda 2026–2030 jyldarǵa arnalǵan «Qazaqstan balalary» tujyrymdamasy aıasynda toǵyz balalar aýrýhanasy salynatyny týraly jazǵan edik.