Astanada balalarǵa arnalǵan etnostıldegi kıimderdiń kórsetilimi ótedi
«Nation look» toptamasynda keshegi men búgingi kúnniń úılesimi kórinis tapqan. Týyndylardyń deninde oıý-órnekter men tabıǵı teriler qoldanylǵan ári olar zamanaýı stılde oryndalǵan.
Ulttyq mýzeı men «Іńkár sezim» qoǵamdyq qory birlesip uıymdastyratyn sharanyń basty maqsaty - etnostıldi jáne qazaqtyń ulttyq kıimderin keńinen nasıhattaý.
Shara barysynda Qaırolla Ábishevtiń «Zekenmoda» jáne Rahıma Ábishevanyń «Arujan» sán úıiniń toptamalary kórsetiledi.
Qaırolla Ábishevtiń shyǵarmashylyq baǵyty negizinen jańǵyrtylǵan zamanaýı toptamalardan turady. Jumystarynyń kópshiligi qazirgi stılmen oryndalsa da, ulttyq naqysh, ulttyq elementter keńinen qoldanylady.
«Arujan» sán úıiniń jáne onyń ıdeıalyq shabyttandyrýshysy - Rahıma Ábishevanyń da toptamalary elimizde ǵana emes, shetelde de tanymal. Sheberdiń qolynan shyqqan «Altyn qum» toptamasy Máskeýde ótken «Joǵary sán» aptalyǵynda barlyq qazylardy tánti etken bolatyn.
Kórsetilim sheńberinde mýzeıdiń «Sheber» jáne «Beıneleý óneri stýdııasy» úıirmelerindegi balalardyń týyndylarynan da kórme uıymdastyrylady.
Foto: Couturier.kz
