Astanada balalarǵa arnalǵan 10 mekemege jańa medıtsınalyq qondyrǵylar tabystaldy
ASTANA. QazAqparat - Búgin Astana qalasynyń №2 qalalyq balalar aýrýhanasynda balalarǵa arnalǵan medıtsınalyq, bilim berý jáne áleýmettik 10 mekeme basshylaryna jańa medıtsınalyq jáne ınnovatsııalyq qondyrǵylar alýǵa sertıfıkattar tabystaý rásimi ótti, dep habarlady qalalyq ákimdiktiń baspasóz qyzmetinen.
Saltanatty shara - «Shevron» kompanııasy men «AıALA» jeke qaıyrymdylyq qory júzege asyratyn jyl saıynǵy qaıyrymdylyq aktsııasynyń bir bóligi.
- Jergilikti densaýlyq saqtaý orandary men salaýatty ómir saltyn nasıhattaýǵa jol ashatyn baǵdarlamalardy qoldaý «Shevron» kompanııasynyń barsha álemdegi, naqtyraq aıtqanda, Qazaqstandaǵy ınvestıtsııasynyń bir bóligi, - dedi kompanııa ókili Leıla Aıtmuhanova.
Áleýmettik joba aıasynda bıyl «Shevron» kompanııasy jańa medıtsınalyq qural-jabdyqtar, tehnıka, jıhaz satyp alyp, №3 perınataldy ortalyq, №1 jáne №2 balalar emhanalary, qalalyq balalar juqpaly aýrýlar aýrýhanasy, №23 jáne №22 balabaqshalar, №64 balabaqsha, ıntellektýaldy aýytqýshylyǵy bar balalarǵa arnalǵan mektep-ınternaty, balalardyń psıhonevrologııalyq medıtsınalyq-áleýmettik mekemesi, «Dos» táýelsiz ómir» múgedekter ortalyǵy» qoǵamdyq birlestigi úshin arnaıy bólmeler daıyndap, medıtsınalyq qondyrǵylar , jıhaz satyp aldy.
Atalǵan kompanııa alǵashqy kúnnen bastap Astana qalasy ákimdigimen birlesip qalalyq medıtsınalyq, bilim berý jáne áleýmettik mekemelerge materıaldyq kómek kórsetip keledi. Qor qyzmetiniń negizgi baǵyty balalar emhanalary men bilim berý mekemelerine: aýrýhanalarǵa, emhhanalarǵa, perzenthanalaoǵa, sanatorııler men saýyqtyrý ortalyqtaryna, balalar úılerine, mektep-ınternattarǵa qol ushyn sozý.
Marapattaý rásimi barysynda estradanyń «jas juldyzdary» bı bılep, án saldy. Shara sońynda №2 qalalyq emhana ǵımaratynda tirek-qımyl apparaty buzylǵan jáne tili kesh shyqqan balalarǵa arnlaǵan «Relaks» sensorlyq bólmesi tanystyryldy.
