Astanada balalardyń joǵalǵandyǵy jónindegi aqparattar shyndyqqa janaspaıdy - ІІM
ASTANA. 4 qarasha. QazAqparat /Aıdar Ospanalıev/ - Astanada balalardyń joǵalǵandyǵy jónindegi aqparattar shyndyqqa janaspaıdy. Bul týraly búgin QazAqparat tilshisine bergen jaýabynda Іshki ister mınıstrliginiń resmı ókili Nurdildá Oraz málim etti.
Esterińizge sala keteıik, búgin elimizdegi ınternet-portaldardyń «Halyq jańalyqtary» atty aıdarymen berilgen jańalyqtar toptamasynda Astanada balalardyń joǵalyp ketip jatqandyǵy jóninde aqparat taratyldy. «Mundaı alyp-qashpa sózderdiń shyndyqqa janaspaıtyndyǵyn aıtý kerek. Al quqyq qorǵaý organdarynyń kúsheıtilgen rejımde jumys isteýi Qurban aıt merekesimen baılanysty qolǵa alynǵan shara. Bul kúndelikti qyzmet barysynda bolyp turatyn ádettegi is. Sondyqtan biz azamattardy sabyr saqtap, ýaıymdamaýǵa shaqyramyz»,- dedi ol.
Esterińizge sala keteıik, bıylǵy jyldyń qazan aıynda bul tektes qańqý sózder elimizdiń ońtústik óńirinde taraǵan bolatyn. Onda belgisiz bireýler musylmandardyń qasıetti merekesi tusynda ýahabbıtterdiń ondaǵan balalardy qurbandyqqa shalýǵa daıyndalyp jatqandyǵy jazylǵan qaǵazdar taratylǵan. Tártip saqshylary osyǵan baılanysty 3 jumyssyz azamatty ustady.
