Astanada balalardy tapanshamen qorqytqan er adam ustaldy
NUR-SULTAN. QazAqparat - Nur-Astana qalasynda polıtseı balalardy tapanshamen qorqytqan er adamdy ustady, dep habarlaıdy QazAqparat qalalyq Polıtsııa departamenti baspasóz qyzmetine silteme jasap.
12 maýsymda keshke saǵat 20.00-de astanalyq polıtsııa qyzmetkeri 51 jastaǵy qala turǵynyn ustady. Ol Sh. Ýálıhanov kóshesiniń boıynda balalardy tapanshamen qorqytqan.
«Polıtseıge aýlalardyń birinde eki kámelettik jasqa tolmaǵan bala júgirip kelip, tapanshamen qorqytqan er adam týraly habarlaǵan. Polıtsııa aǵa serjanty Rýslan Shmıdt bul týraly áriptesine habarlap, balalar aıtqan jerge qaraı barady», delingen habarlamada.
JPQ patrýldik polıtsııa polkiniń aǵa serjanty Rýslan Shmıdt er adamdy sózge tartyp, qolaıly sát týǵanda arnaıy ádispen tártip buzýshyny jerge qulatady. Sol sátte oǵan aǵa leıtenanty Jandos Ózbek kómekke keledi. «Atalǵan fakti boıynsha QR QK 287-baby boıynsha sotqa deıingi tergeý jumystary júrip jatyr. Medıtsınalyq tekserý er adam mas kúıde bolǵan kórsetti», delingen habarlamada.
Polıtsııa departamenti turǵyndarǵa oqıǵany ýaqytyly habarlaǵandary úshin jáne ustaý kezinde kómek kórsetkenderi úshin alǵys aıtady.
