Astanada balalardy kólikpen tasymaldaý qaýipsizdigin qoldaý maqsatynda avtosherý ótedi
ASTANA. QazAqparat - 4 aqpanda elorda kóshelerinde jolaýshy balalardyń qatysýymen bolǵan jol-kólik oqıǵalarynyń saldaryn tómendetý, balalardyń jol apaty saldarynan jaraqattanýynyń aldyn alý jumystarynyń tıimdiligin arttyrý maqsatynda «Bala - basty jolaýshy» atty avtosherý ótedi.
Avtosherýge jarys avtokólikteri, taksı kólikteri men kólik júrgizýdi úıretetin oqý ortalyqtarynyń júrgizýshileri qatysady, dep habarlaıdy elorda ákimdiginiń baspasóz qyzmetinen. Avtosherý «Jastar» saraıynyń aldynan bastalyp, «Dýman» oıyn-saýyq ortalyǵynyń avtoturaǵynda máresine jetedi. Sol jerde elorda turǵyndaryna arnaıy mamandar men polıtseıler balany kólikke bekitip otyrǵyzý quraldarynyń avtokólikte paıdalanylýynyń qajettiligi týraly aıtyp, onyń qalaı durys ornatylatynyn kórsetedi. Sondaı-aq polıtseıler oqýshylarmen birge júrgizýshilerge aqparattyq kitapshalar taratady. Osy aktsııany uıymdastyrý arqyly Astana q. ІІD Ákimshilik polıtsııa basqarmasy barlyq júrgizýshilerdi balalardy kólik quraldarynda arnaıy avtokreslolardy nemese balalarǵa arnalǵan bekitý quraldaryn paıdalanyp tasymaldaýǵa úndeıdi.
