Astanada balalardyń quqyqtaryn qorǵaý jónindegi jańa basqarma qurylady
ASTANA. KAZINFORM — Búgin Astana qalalyq máslıhatynyń kezekten tys 40-sessııasy ótti. Onda depýtattar «Qazaqstan Respýblıkasy astanasy — Astana qalasynyń basqarý shemasy týraly» máslıhat sheshimine tolyqtyrýlar engizý qajettigin qarady.
Atalǵan másele boıynsha Astana qalasy ákiminiń apparaty basshysynyń orynbasary Tımýr Ýalıhanuly Mýsın baıandama jasady.
— 2025 jylǵy 29 shildede Balalar quqyǵyn qorǵaý máseleleri jóninde, sonyń ishinde erekshe bilim berý qajettilikteri bar balalardy qorǵaý boıynsha Premer-mınıstrdiń orynbasary ótkizgen keńestiń hattamalyq tapsyrmasyna sáıkes, oblystardyń, respýblıkalyq mańyzy bar qalalardyń ákimdikterine 1 qyrkúıekke deıin balalardyń quqyqtaryn qorǵaý jónindegi basqarmalardy qurý tapsyryldy. Osy tapsyrmany iske asyrý maqsatynda elordada jańa qurylym — Balalardyń quqyqtaryn qorǵaý jónindegi basqarma qurý kózdelip otyr. Osyǵan baılanysty Astananyń basqarý shemasyna tıisti ózgerister engizý týraly joba daıyndaldy, — dedi Tımýr Ýalıhanuly.
Buǵan deıin, Balalardyń quqyqtaryn qorǵaý jónindegi alǵashqy basqarmanyń Aqtóbe oblysynda qurylǵany týraly habarlaǵanbyz.