Astanada balalar úıleriniń tárbıelenýshileri úshin djıý-djıtsý mektebi ashyldy
Bul týraly Qazaqstannyń djıý-djıtsý jáne aralas jekpe-jek túrleri boıynsha federatsııasynyń baspasóz qyzmetinen habarlady.
«Djıý-djıtsý - qoıan-qoltyq jekpe-jektiń jáne ózin-ózi qorǵaýdyń ámbebap júıesi. Ol shyǵys etıkasy men fálsafasyna negizdelip, densaýlyqty nyǵaıtýǵa jáne óz-ózińe degen senimdilikti qalyptastyrýǵa, balalardy «kóshe ómiriniń» keri áserinen saqtaýǵa sep. Jetim balalar balǵyn kezderinen-aq ata-analaryna boı túzep, ózderiniń tártipterin úılestirýden ada qalatyny jasyryn emes», - dep jazylǵan baspasóz habarlamasynda.
Uıymdastyrýshylardyń baılamynsha, Astanada balalar úıleriniń tárbıelenýshileri úshin ashylǵan alǵashqy dástúrli djıý-djıtsý mektebi elimizdegi atalmysh sporttyń túrlerin damytýdyń jańa satysyna aınalmaq.
Shara «Men chempıonmyn» respýblıkalyq áleýmettik jobasynyń sheńberinde qolǵa alynǵan. Bastamaǵa Qazaqstannyń djıý-djıtsý jáne aralas jekpe-jek túrleri boıynsha federatsııasy men Kcell kompanııasy muryndyq boldy.
