Astanada balalar úıindegi órt sóndirildi
ASTANA. QazAqparat - Astanada Seıfýllın kóshesindegi №1 balalar úıiniń ǵımaratynda bolǵan órt sóndirildi, dep habarlaıdy QazAqparat QR ІІM TJK baspasóz qyzmetine silteme jasap.
«15 aqpan kúni 12:15-te balalar úıiniń úsh qabatty ǵımaratynda, aldyn ala málimetter boıynsha, úshinshi qabattaǵy qoımada órt tutanǵan. 12:43-te alaý aýyzdyqtaldy. Shamamen 30 sharshy metr jerdi jalyn sharpyǵan», - delingen habarlamada.
Órt sóndirýshiler kelgenshe mekemeniń ákimshiligi adamdardy evakýatsııalaǵan. Qurban bolǵandar men zardap shekkender joq.
Órtti sóndirýge Astana órt sóndirý qyzmeti jeke quramynyń 40 qyzmetkeri jáne 8 tehnıkasy jumyldyrylǵan.
