Astanada balalar úıindegi 12 sábıdiń eshbir qujaty joq
ASTANA. QazAqparat - Astananyń mamandandyrylǵan balalar úıinde ata-analary belgisiz, baladan bas tartý týraly qujattary rásimdelmegen 12 tastandy bala tárbıelenip jatyr, dep habarlaıdy QazAqparat Elorda Info saıtyna silteme jasap.
Balalar úıininiń dırektory Sáýle Kenjebaevanyń aıtýynsha, búgingi kúni mekemede tórt jasqa deıingi 48 bala bar.
«Onyń 21-inen ata-analary bas tartqan, 15-i ýaqytsha ornalastyrylǵan jáne ata-analary qandaı da bir qujatty rásimdemesten tastap ketken 12 bala bar», - dedi S.Kenjebaeva.
Aıta keteıik, 2017 jyly Astana qalasynyń mamandandyrylǵan balalar úıinen 38 bala asyrap alynǵan. 17 búldirshin qamqorlyqqa berilip, 35 bala otbasyna qaıtaryldy. Sondaı-aq 3 bala patronattyq tárbıeleýge berilip, 8 bala psıhonevrologııalyq mekemege tapsyryldy.
