Astanada balalar úıinde tárbıelenip jatqan daryndy sýretshiler marapattaldy

ASTANA. QazAqparat – Islam azyq-túlik qaýipsizdik uıymy (IOFS) aıasyndaǵy Afrıka jylynyń aıaqtalýyna oraı ótken beıneleý óneri konkýrsynyń jeńimpazdary marapattaldy, dep habarlaıdy QazAqparat tilshisi.

Uıymdastyrýshylardyń aıtýyna qaraǵanda, konkýrsqa Astana, Qaraǵandy, Ekibastuz jáne Aqkól qalalaryndaǵy «Qıyn ómir jaǵdaıyna tap bolǵan balalardy qorǵaý» ortalyqtarynyń balalary qatysqan.

Kelip túsken 66 sýrettiń ishinen eki jas sanaty boıynsha 8 jeńimpaz iriktep alynǵan.

Jeńimpaz atanǵan ónerli balalarǵa jarys kýbogymen birge baǵaly syılyq sertıfıkaty tabystaldy.

Uıym aıasyndaǵy Afrıka jylynyń aıaqtalýyna baılanysty konkýrs taqyryby da qyssyz qurlyqqa arnalǵan eken.

5-10 jas aralyǵyndaǵy balalar «Afrıka qalaı elestetesiz?» degen suraqqa qylqalam arqyly jaýap berýgi tyrysqan.

Al 11-16 jas aralyǵyndaǵy órenderge «Afrıkadaǵy dosyńa ne syılar ediń?» degen suraq qoıylypty.

IOFS bas dırektory Erlan Baıdáýlet atalǵan tórt ortalyqtaǵy 250 balanyń bárine Magnum Cash & Carry kompanııasymen seriktestik aıasynda alynǵan syılyqtar joldanatynyn aıtty.

Sondaı-aq, Saýd Arabııasynyń Qazaqstandaǵy Elshiliginiń demeýshiligimen tátti syılyqtar tabystalmaq.

«Bul sharany 2023 jyldan bastap uıymǵa múshe elderdiń bárinde uıymdastyrýdy josparlap otyrmyz. Biz azyq-túlik qaýipsizdigi men aýyl sharýashylyǵyn damytý problemalaryna balalardyń kózimen qaraǵymyz keledi», - dedi Erlan Baıdáýlet marapattaý sátinde.