Astanada balalar úshin 125 keli tartatyn merekelik tort tartý etildi (FOTO)
ASTANA. QazAqparat - Búgin «Kerýen» saýda oıyn-saýyq kesheninde Astananyń kishkentaı turǵyndaryna 125 keli merekelik tort tartý etildi.
Atalmysh tortty jyldaǵysynsha Happylon Corporation kompanııasy pisirgen bolatyn. Balalǵa úlken merekelik tortty tartý etýmen qatar, kóptegen oıyndar oınatyldy.
«Balalarǵa arnap pisirilgen tort 125 keli tartady. Mundaı táttini tartý etý bizde úlken dástúrge aınaldy. Byltyr qalanyń kishkentaı turǵyndaryna 300 keli tort pisirilgen bolatyn. Bul tortty daıyndaý úshin kondıterler eki kún tynbaı eńbek etti. Bıskvıtten jasalynǵan, onyń barlyǵy mastıkamen bezendirilgen. Tort óte dámdi ekenine sendire alamyn», - deıdi atalmysh kompanııanyń basqarýshysy Lázzat Tursynbaeva.
Tortty tatyp úlgermegenderge «MEGA» saýda ortalyǵynda saǵat 16:00-de dál osyndaı tort usynylatyn bolady.
