Astanada balalar shyǵarmashylyǵynyń saıys-festıvali bastaldy

Bıylǵy festıvaldiń ereksheligi sol, shara «Balalyq shaqtyń murajaı tramvaıy» atty merekelik baǵdarlama aıasynda ótýde. Ony Pavlodar qalasynyń murajaı qyzmetkerleri usyndy. «Tramvaımen serýendeý» barysynda balalardy belgili ertegi keıipkerleri men ártúrli oıyndar, jumbaqtar, sózjumbaqtar kútip tur. «Murajaı», «Kórkem sýret», «Ádebıet», «Mýzyka» jáne «Bı» aıaldamalarynda qatysýshylar Pavlodardyń Buhar jyraý atyndaǵy ádebıet jáne óner murajaıyna qysqasha ekskýrsııalyq sholý jasap, pavlodarlyq jazýshylardyń ómirbaıandarymen jáne shyǵarmashylyq jumystarymen tanysa alady. Sondaı-aq mýzykalyq bı sharalaryna qatysady. Saıys jeńimpazdary san alýan syılyqtarmen marapattalady.

Negizi, 2012 jyldan bastap Pavlodarda osyndaı travmaı jolǵa shyǵyp, arnaıy marshrýtpen búkil qalany aınalyp shyǵady. Bir-eki saǵattyq saıahat barysynda jolaýshylar klassık-dramatýrg Júsipbek Aımaýytov pen aqyn Sultanmahmut Toraıǵyrovtyń ómirimen jáne shyǵarmashylyǵymen, ánshi-sazgerler Jaıaý Musa Baıjanov pen Maıra Shamsýtdınovanyń jeke zattarymen etene tanysyp, maıdanger-jazýshylar Vsevolod Ivanov pen Muzafar Álimbaevtyń muralaryn kóre alady.

Búgingi saıys-festıvalǵa 6-9 jas aralyǵyndaǵy 100-ge jýyq bala qatysady. Jeńimpazdar molbertte sýret-saıysy, asfaltta sýret salý-saıysy (bormen), mozaıkalar men pazldardy jınaqtaý boıynsha anyqtalmaq.

Aıta keteıik, «Túrli-tústi mozaıka» atty balalar shyǵarmashylyǵynyń saıys-festıvali QR Tuńǵysh Prezıdentiniń murajaıy men Balalar kórkemsýret mektebiniń «Balalyq shaqtan kózqaras» birlesken jobasy aıasynda ótip otyr.