Astanada «Balalar saıajaıda» sharasy ótkizilýde
ASTANA. QazAqparat - 10-11 tamyz aralyǵynda Astana qalasynda oqýmen qamtylmaǵan mektep jasyndaǵy balalar men memlekettiń kómegine muqtaj kámeletke tolmaǵan tulǵalardy anyqtaý maqsatynda «Balalar saıajaıda» aldyn alý is-sharasy ótkizilýde, dep habarlaıdy Astana ІІD baspasóz qyzmetinen.
Іs-sharanyń maqsaty - jasóspirimder qaraýsyzdyǵy men qadaǵalaýsyzdyǵynyń aldyn alý, turmysy qolaısyz otbasylardy jáne Astana qalasynyń aýmaǵynda tirkeýsiz júrgen, sondaı-aq, quqyqqa qarsy baǵyttaǵy tulǵalardy anyqtaý. Qoıylǵan mindetterdi oryndaý úshin is-sharany ótkizý kezeńinde ıývenaldy polıtsııanyń ýchaskelik ınspektorlary, ákimshilik polıtsııa bóliminiń ýchaskelik ınspektorlary, kóshi-qon qyzmeti, ekstremızmmen kúres jónindegi basqarmasy, JPP ınspektorlary, bilim berý basqarmasy, «Jas Otan» jastar qanaty, úkimettik emes uıymdardyń ókilderi jumyldyrylǵan. Jedel-aldyn alý is-sharasy barysynda saıajaı alaptarynyń aýmaqtarynda turmysy qolaısyz otbasylardy, qańǵybastyqqa salynǵan, qaıyrshylyqpen aınalysatyn jáne Astana qalasynyń aýmaǵynda tirkeýsiz júrgen tulǵalardy anyqtaý maqsatynda reıdter júrgizilýde. Sonymen qatar reıdtik is-sharalar úrdisinde quqyq qorǵaý organdarynyń qyzmetkerlerimen bilim alýmen qamtylmaǵan mektep jasyndaǵy kámeletke tolmaǵandardy anyqtaý máselelerine erekshe nazar aýdarylady. Osyndaı faktiler anyqtalǵan jaǵdaıda Astana qalasy Bilim basqarmasyna tıisti materıaldar ázirlenip, joldanatyn bolady.
