Astanada balalar men jasóspirimderge arnalǵan «Arhat» aýla klýby ashyldy
ASTANA. 10 qazan. QazAqparat - Búgin Astanada Imanbaeva 8 mekenjaıy boıynsha balalar men jasóspirimderge arnalǵan «Arhat» aýla klýby ashyldy. Bul týraly astana.kz saıtyna Jastar saıasaty basqarmasynan habarlady.
«Arhat» aýla klýbynda balalar men jasóspirimderdiń demalýyna, densaýlyǵyn jaqsartýyna, shyǵarmashylyǵyn damytýǵa, sondaı-aq, olardyń qaraýsyz júrýiniń aldyn alý úshin barlyq jaǵdaılar jasalǵan. Klýbta úzdik mamandardyń jetekshiligimen karate, shahmat, ıoga, qoldanbaly óner, qoıan-qoltyq urys, qazirgi zamanǵy bıler sektsııalary jumys isteıdi.
Aıta keteıik, búgingi tańda aýla klýbtary aýdanda turatyn balalar men jasóspirimder kezdesetin, shyǵarmashylyq ıdeıalaryn júzege asyratyn jáne demalys ortalyǵyna aınaldy. Jasóspirimder men jastar múddeli klýbtar mádenı is-sharalar men demalys uıymdastyrý arqyly olardy kóshedegi zııandy áserlerden qorǵaıdy. Aýla klýbyn ashýdyń maqsaty demalysty uıymdastyrý, jastar men jasóspirimderdiń shyǵarmashylyq bastamalaryn qoldaý, salaýatty ómir saltyn nasıhattaý, jastardy halyq shyǵarmashylyǵyna tartý, mádenı-aǵartýshylyq is-sharalar ótkizý bolyp tabylady.
«Jyl saıyn klýb qabyrǵalarynda halyqtyń túrli toptarynan shyqqan myńdaǵan bala tegin tárbıelenip shyǵady: jetim, turmysy tómen otbasylardan shyqqan, devıantty balalar jáne t.b.», - dep habarlady Astana qalasynyń Jastar saıasaty máseleleri basqarmasynan.
