Astanada balalar men jasóspirimder týrızmin damytý máselesi keńinen talqylandy
ASTANA. QazAqparat - Qazaqstanda balalar-jasóspirimder týrızmin damytýdyń 2015-2018 jyldarǵa arnalǵan tujyrymdamalyq tásilder jobasyn talqylaý maqsatynda Astanada QR Bilim jáne ǵylym mınıstrliginiń qosymsha bilim berý oqý-ádistemelik ortalyǵy týrıstik-ólketaný baǵytyndaǵy balalarǵa qosymsha bilim berý uıymdary dırektorlarynyń respýblıkalyq úılestirý keńesiniń keńeıtilgen otyrysy ótti, dep habarlady atalǵan ortalyqtan.
Respýblıkalyq úılestirmeli keńes májilisiniń jumysynda QR Parlamenti Májilisiniń depýtattary, QR Investıtsııalar jáne damý, Sport jáne mádenıet mınıstrlikteriniń, oblystardyń, Astana jáne Almaty qalalarynyń bilim basqarmalarynyń ókilderi jáne balalarǵa qosymsha bilim berý júıesiniń jas týrıster stantsııalary men ortalyqtarynyń basshylary qatysty.
Májiliske qatysýshylar balalar men jasóspirimder týrızmin damytý, balalar men jasóspirimder týrızmin damytýdyń tujyrymdamalyq tásilderin júzege asyrý boıynsha keshendi júıeli sharalar qabyldaý, respýblıkadaǵy balalar men jasóspirimder týrızmi salasyndaǵy qoldanystaǵy zańnamalardy jetildirý boıynsha mınıstrlik pen uıymdardyń ózara árekettestigi máselelerin talqylady.
