Astanada balalar quqyqtaryn qorǵaý taqyryby aıasynda BUU komıtetiniń usynymdary talqylandy
Konferentsııa jumysyna Parlament depýtattary, ortalyq memlekettik organdardyń basshylary, jaqyn jáne alsy elderdiń balalar ombýdsmenderi, halyqaralyq jáne úkimettik emes uıymdardyń ókilderi qatysty.
Konferentsııa sheńberinde balalar quqyǵyn qorǵaýdyń barlyq negizgi aspektilerin qozǵaıtyn 13 baǵyt boıynsha turaqty qoldanysta bolatyn ataýlyq alańdar jumysyn bastady. «Bala sot tóreligi júıesinde» atty 13-dıalogty alańǵa jaýapty moderator retinde Astana qalasynyń ıývenaldyq sotynyń tóraıymy N.Razzaq sóz sóıledi.
Konferentsııanyń negizgi maqsaty - álemdik satndarttarǵa sáıkes balalar quqyǵyn qamtamasyz etýdiń ózekti máseleleri boıynsha tujyrymdy dıalogtyń tuǵyryn damytý jáne jetildirý jáne osy máseleler boıynsha halyqaralyq, ulttyq, qoǵamdyq uıymdardyń kúshin biriktirý.
Jumys barysynda oǵan qatysýshylar Balalarǵa dostyq sot tóreligi nusqaýlyǵyn ázirleýdiń Eýropa Odaǵynyń tájirıbesin jáne ony qabyldaýdy, BUU-nyń bala quqyqtary jónindegi komıtetiniń 2015 jylǵy usynymdaryn talqylady.
Sot tóraıymy N.Razzaq memlekettik áleýmettik tapsyrysty qalyptastyrý arqyly balalar quqyǵyn qorǵaýdyń myna tómendegideı salalarynda jumys isteıtin, ıaǵnı áleýmettik pedagogtardy, psıhologtardy, qorǵanshylyq jáne qamqorshylyq organdarynyń qyzmetkerlerin, ıývenaldy sýdıalardy, polıtseılerdi, patronajdy medbıkelerdi jáne basqalardy kásibı daıarlaý jáne qaıta daıarlaý, mamandardyń biliktiligin kóterý júıesin jetildirý qajet ekenin atap ótti.
Konferentsııa sońynda barlyq 13 dıalogty alańdarmen kámeletke tolmaǵandardyń quqyqtary men múddelerin qorǵaýǵa qatysty usynymdar qabyldandy, sondaı-aq jumys toby konferentsııanyń ýaqyt shekterimen shektelmesten, 2021 jyldaǵy kelesi eldik baıandamany ázirlegenge deıin BUU-nyń bala quqyqtary jónindegi komıtetiniń 70-sessııasynyń iske asyrylý máselesimen aınalysýdy jalǵastyra otyryp, óziniń qyzmetin júzege asyratyn bolady.
