Astanada balalar arbasyn urlaıtyn kúdikti ustaldy
ASTANA. QazAqparat - Kúdikti úılerdiń kireberisinde qaldyrǵan balalar arbalaryn urlap, keıin olardy arzan baǵamen basqalarǵa satqan, dep habarlaıdy QazAqparat qalalyq Polıtsııa departametine silteme jasap.
«Jedel- izdestirý sharasy barysynda elordalyq polıtseıler balalar arbasyn urlaǵan kúdiktini ustady. 24 jasar buryn sotty bolǵan qala turǵyny úılerdiń podezderinde qaldyryp ketken arbalardy urlap, keıin tómen baǵamen basqa úıdiń turǵyndaryna satyp jibergen. Taǵy bir aıta keterligi, satyp alýshylar qymbat bala arbasyn tym tómen baǵaǵa usynǵan jigitten kúdiktenbesten satyp alǵan», - delingen habarlamada.
Qazirgi ýaqytta ustalǵan azamat ýaqytsha ustaý ızolıatoryna qamaýǵa alynyp, tergeý jumystary júrgizilip jatyr. Sondaı-aq, onyń basqa da qylmystarǵa qatysynyń bar-joqtyǵy tekserilýde.
Osyǵan oraı, Astana qalasynyń Polıtsııa departamenti atalǵan kúdiktiden zardap shekken elorda turǵyndarynan (Beıbitshilik,19) mekenjaıyna nemese 8 (7172) 71-60-24; 71-61-07 baılanys telefonyna, ıá bolmasa «102» habarlasýyn suraıdy.
