Astanada balalar arasynda tennısten «Qyzǵylt dop» týrnıri ótýde
ASTANA. QazAqparat - 6-12 aqpan aralyǵynda «Dáýlet» sportkombınatynyń bazasynda balalar arasynda tennısten «Qyzǵylt dop» týrnıri ótip jatyr, oǵan 8-10 jas aralyǵyndaǵy ul-qyzdar qatysýda, dep habarlaıdy elorda ákimdiginiń baspasóz qyzmeti.
Jarystar kúnde saǵat 9-da bastalyp, saǵat 20-ǵa deıin jalǵasady. Týrnırdiń uıymdastyrýshylary - Astana qalasy Tennıs federatsııasynyń fılıaly jáne «Dáýlet» sportkombınaty.
«Qyzǵylt dop» týrnıri júıeli túrde ótkizilip turady. Sport jarysynyń erejeleri qatań reglamentteledi.
«Týrnırdi ótkizýdegi maqsat - elde balalar tennısin nasıhattaý jáne damytý, jas sportshylardy kóptep tartý jáne beıimdelgen oıyn formasy, arnaıy ınventar, jattyǵý protsesi men jarysty uıymdastyrý esebinen qyzyǵýshylyqtaryn oıatý, jáne 10 jasqa deıingi balalar arasynda salaýatty ómir saltyn nasıhattaý», - deıdi uıymdastyrýshylar.
