Astanada balalar arasynda shahmattan týrnır ótýde
ASTANA. 13 aqpan. QazAqparat /Damır Baımanov/ - Astanada shahmattan 12 jasqa deıingi balalar arasynda qala chempıonaty ótýde.
Týrnır balalar men qyzdar arasynda úsh jas sanatynda: 8, 10 jáne 12 jasqa deıingiler arasynda ótip jatyr.
«Shahmatshylardyń ulttyq odaǵy» qoǵamdyq birlestigi tóraǵasynyń orynbasary Almaz Jansaǵymovtyń aıtýynsha, júldegerler respýblıkalyq chempıonatqa qatysý múmkindigine ıe bolmaq. Onyń qorytyndysy boıynsha Brazılııadaǵy álem chempıonaty men 2011 jyldyń mamyrynda Fılıppınde ótetin Azııa chempıonatyna baratyn Qazaqstannyń qurama komandasy jasaqtalady.
«Qalalyq týrnırge 220-dan astam áýesqoı shahmatshylar qatysýda. Bul elordada shahmat oıyny keńinen taralyp otyrǵanyn kórsetedi», - dedi A.Jansaǵymov.
