Astanada balalar arasynda shahmat jarysy bastaldy
ASTANA. Qazannyń 4-i. QazAqparat - Búgin Astanada balalar arasynda shahmattan «Saryarqa» atty týrnır bastaldy,
dep habarlaıdy «Ulttyq shahmatshylar odaǵy» qoǵamdyq qory.
Astana qalasy shahmat federatsııasynyń jáne Ulttyq shahmatshylar odaǵynyń qurylýyna arnalǵan doda 12 jasqa deıingi jetkinshekter arasynda uıymdastyrylyp otyr. Týrnır Qazaqstannyń úzdik shahmatshylarynyń bastamasymen qurylǵan Ulttyq shahmatshylar odaǵy uıymynyń jańa shahmat mektebinde ótýde.
Balalar saıysynyń ashylý rásimine QR Týrızm jáne sport vıtse-mınıstri Qaıyrbek Óskenbaev kelip quttyqtaý aıtty. Keıin uıymdastyrýshylar oılastyrǵandaı Q. Óskenbaevqa týrnırdiń alǵashqy júrisin júrý quqyǵy berildi.
Qazannyń 11-ine deıin jalǵasatyn saıystyń jeńimpazdary baǵaly syılyqtarmen jáne dıplomdarmen marapattalady.
