Astanada balalar arasynda alǵashqy paralımpıadalyq oıyndar bastaldy
ASTANA. QazAqparat - Búgin Astanada balalar arasynda alǵashqy paralımpıadalyq oıyndar bastaldy, dep habarlaıdy QazAqparat Astana ákimdiginiń medıa ortalyǵyna silteme jasap.
Oıyndarǵa elimizdiń Aqmola, Almaty, Qostanaı, Pavlodar oblystary men Astana qalasynan 120 sportshy qatysýda. 12-den 18 jastaǵy órender sporttyń bes túri boıynsha (voleıbol, shahmat, qońyraýmen júgirý, júzý jáne arbada tańylǵandar arasynda júrgiziletin bı saıystary) baqtaryn synaýda.
Uıymdastyrýshylardyń sózderinshe, elimizde estý qabileti nashar balalar arasynda voleıboldan, kórý qabileti nashar jasóspirimder arasynda qońyraýmen júgirýden, mentaldyq ózgeristeri bar balalar arasynda shahmattan paralımpıadalyq jarystar budan buryn ótkizilmegen. Búgingi oıyndardyń bireıgeıligi - osynda.
Sportshylardyń ónerin álem chempıondary, sport sheberleri, sporttyq bıden Qazaqstan federatsııasynyń músheleri baǵalaıtyn bolady.
Aıta ketý kerek, atalmysh sport túrlerinen paralımpıadalyq oıyndar kelesi jyldan bastap respýblıkalyq deńgeıde dástúrli túrde ótkizilmek.
